Gay Richi tomonidan suratga olingan “Qirol Arturning qilichi” filmi yangi treyleri chiqdi (video)

Warner Bros. studiyasi rejissor Gay Richi tomonidan suratga olingan “Qirol Arturning qilichi” filmining ikkinchi treylerini e’lon qildi, deya xabar bermoqda Meduza.

Film syujetiga ko‘ra, Artur — o‘z to‘dasi bilan Londinium ko‘chalarida daydib yuruvchi ko‘cha bezorisi. Kunlarning birida u afsonaviy Ekskalibur qilichini topib oladi va shu bilan hayoti tubdan o‘zgarib ketadi: Artur qarshilik harakatiga qo‘shiladi va uning ota-onasini o‘ldirgan zolim Vortigemdan qasos olishga tayyorlanadi.

Film ssenariysi qirol Artur haqidagi afsonalar asosida prodyuser va rejissor Jobi Xarold tomonidan yozilgan. Artur roli Charli Xannem tomonidan ijro etilgan. Filmda, shuningdek, Jud Lou, Eydan Gillen va Keti MakGrat ham suratga tushgan.

“Qirol Arturning qilichi” filmi 2017-yilning 11-may kuni MDH mamlakatlari ekranlariga chiqishi kutilmoqda.

Mavzuga doir: Gay Richi tomonidan suratga olingan “Qirol Arturning qilichi” filmi tizeri chiqdi (video)

“Daryo”ning Telegram’dagi rasmiy kanali — @toshqindaryo’ga a’zo bo‘ling!