OAV: Xitoylik baliqchi noma’lum samolyot qanotining bir qismini topib oldi

Xitoyning Xebey provinsiyasi Tanshan shahrida istiqomat qiluvchi erkak mahalliy daryolardan birida baliq ovlayotganda noma’lum jangovor samolyotning qanoti va 16 ta snaryadni aniqladi. Bu haqda “Chjungo sinvenvan” portaliga asoslanib, “TASS” xabar bermoqda.

Ayni vaqtda mutaxassislar o‘lchami 5 ga 1,5 metr bo‘lgan topilmaning kelib chiqishini aniqlamoqda. Snaryadlarni xavfsiz ravishda transportda tashish uchun voqea joyiga politsiya va qutqaruvchilar yetib kelgan.

Samolyotning qanot qismi o‘rganilish uchun shahar ma’muriyatiga yetkazilgani qayd etilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!