Xalqaro energetika agentligi XXR va Hindistonning ekologik choralari tufayli neftga bo‘lgan talab prognozlarini o‘zgartiradi

Xitoy va Hindiston elektromobillarga o‘tish hamda muqobil energiya manbalari foydasiga benzindan voz kechish borasidagi rejalarini oshkor qilgani tufayli Xalqaro energetika agentligi jahon bozorida neftga bo‘lgan talab prognozlarini qayta ko‘rib chiqishga qaror qildi. Bu haqda, Reuters’ga asoslanib, “RBK” xabar bermoqda.

Joriy prognozlarga ko‘ra, transportlarning yoqilg‘i bilan ta’minlanishi hisobiga neftga talab 2040-yilga qadar o‘sib boradi. Ammo jahonning ikki tez o‘sayotgan neft bozori — Xitoy va Hindiston benzindan voz kechish uchun radikal choralarga qo‘l urganidan so‘ng bu prognozlar qayta ko‘rib chiqilishi lozim, deb ma’lum qildi agentlik ekspertlari.

Yangilangan prognozlar 2017-yil 14-noyabr kuni e’lon qilinadi.

“Daryo” yangiliklarini “Odnoklassniki”da kuzatib boring