Kobul markazida ro‘y bergan portlash oqibatida uch kishi halok bo‘ldi

Afg‘oniston poytaxti Kobul shahri markazida sodir bo‘lgan terakt oqibatida kamida uch kishi halok bo‘ldi. Bu haqda hukumat vakillariga tayanib Associated Press ma’lum qildi, deb xabar berdi “RBK”.

Terrorchilar hujumda avtomobilga yashirin tarzda joylashtirilib qo‘yilgan bombadan foydalangan. Mashinada davlat suv ta’minoti xizmatining ikki nafar ishchisi, yosh bola va haydovchi bo‘lgan. Haydovchi jarohat olgan, qolgan yo‘lovchilar halok bo‘lgan.

Hozircha birorta terrorchilik tashkiloti terakt bo‘yicha mas’uliyatni o‘z zimmasiga olmadi.

“Daryo”ning YouTube’dagi rasmiy sahifasiga obuna bo‘ling