Latviyalik parashyutchi drondan sakragan birinchi shaxs bo‘ldi (video)

Latviyaning Aerones kompaniyasi dunyoda ilk bor yuqori balandlikdagi drondan sakrash g‘oyasini amalga oshirdi. Bu haqda TJournal xabar bermoqda.

28 parrakli kvadrokopter parashyutchi Ingus Augstkalnsni qariyb 330 metr balandlikka ko‘tardi. Xavf ehtimolini kamaytirish maqsadida dron parvozni balandligi 120 metrga teng telekommunikatsiya minorasidan boshladi.

Parashyutchi Amat volosti hududida drondan sakradi.

Ma’lum qilinishicha, mazkur sakrashga olti oy mobaynida tayyorgarlik ko‘rilgan.

Aerones bosh muhandisi Yanis Putramsning fikricha, mazkur voqea kompaniya jiddiy vazifalarni amalga oshirishga tayyor ekanligini ko‘rsatmoqda.

“Daryo” yangiliklarini Facebook’da kuzatib boring