Indoneziyada 15 metrli noma’lum dengiz mavjudoti sohilga chiqib qoldi (video)

Indoneziyaning Seram orolida ulkan dengiz mavjudotining jasadini to‘lqinlar sohilga chiqarib tashladi, deb yozadi Afisha Daily.

Mahalliy fuqaro uni 10-may kuni topib oldi va dastlab sayozlikka o‘tirib qolgan qayiq deb o‘yladi. Endi mutaxassislar u qanday jonivor ekanligini aniqlashga urinmoqda.

“Dengiz maxluqi”ning uzunligi 15 metrga teng, ekspertlar uni Kalmar yoki kashalot (tishi o‘tkir yirtqich kit) deb taxmin qilmoqda. Mavjudotning nima sababdan nobud bo‘lgani hozircha noma’lum.

Aholi mahalliy hukumatga murojaat qilib, aynishni boshlagan hayvon tanasini bu yerdan olib ketishni so‘ramoqda.

“Daryo” yangiliklarini “Odnoklassniki”da kuzatib boring