Kolumbiyalik fermerlar Google havo sharini NUJ bilan chalkashtirdi

Kolumbiya markaziy qismidagi Tolima departamentida Google tomonidan asos solingan X kompaniyasining Project Loon havo shari yerga qulab tushdi. Mahalliy fermerlar qulagan jismni o‘zga sayyoraliklar deb gumon qildi, deb yozadi TJournal.

Mahalliy aholining ma’lum qilishicha, ular dalaga qulagan noma’lum obyektdan daxshatga tushgan.

“U tutardi va undan g‘alati suyuqlik oqib chiqardi”, — deya ta’kidladi San Luis shahri vakili. Dastlab aholi obyekt noma’lum uchar jism yoki kosmik kema bo‘laklari ekanligiga ishondi.

Obyektning kelib chiqishi va uning havo shari ekanligini aniqlashga politsiya yordam berdi. Uning qulashiga nima sabab bo‘lganligi hozircha noma’lum.