Samolyoti Turkiya hududida qulagan suriyalik uchuvchining oilasiga uni kasalxonada borib ko‘rishga ruxsat beriladi

Samolyoti Turkiya hududida qulagan Suriya harbiy-havo kuchlari uchuvchisi oilasiga uni kasalxonada borib ko‘rishga ruxsat beriladi. Bu haqda Turkiya bosh vaziri Binoli Yildirim ma’lum qildi, deya xabar beradi “Yevropeyskaya pravda”.

“Bu insonparvarlik masalasi. Uchuvchini ko‘rish uchun yaqinlariga ijozat beriladi”, — deya ta’kidladi bosh vazir.

Binoli Yildirimga ko‘ra, samolyot halokati sabablarini aniqlash uchun maxsus komissiya tuziladi.

Oldinroq Suriya harbiy-havo kuchlarining MiG-21 qiruvchi samolyoti uchuvchisi havo kemasi urib tushirilganini ma’lum qilgandi. “Daryo”ning Telegram’dagi rasmiy kanali — @toshqindaryo’ga a’zo bo‘ling!