Rossiyada besh nafar o‘zbekistonlik o‘tirgan avtomobil ag‘darilib ketdi

Rossiyaning Saratov viloyati Fyodorovskiy tumanida yirik yo‘l-transport hodisasi yuz berdi, deb yozadi “1news.uz”.

Mulino qishlog‘i yaqinida besh nafar O‘zbekiston Respublikasi fuqarosi (hammasi erkak kishilar) o‘tirgan yengil avtomobil ag‘darilib ketdi. Voqea joyiga yetib kelgan shifokorlar ikki nafar jabrlanuvchini mahalliy tuman kasalxonasiga olib ketdi, yana bir bemor Saratov viloyat klinik kasalxonasiga yetkazildi. Qolgan ikki jabrlanuvchiga tibbiy yordam ambulatoriya sharoitida ko‘rsatildi.

“Daryo”ning YouTube’dagi rasmiy sahifasiga obuna bo‘ling