Viktor Yanukovich Ukraina rahbariyatini so‘roq qilish niyatida ekanligini bildirdi

Ukrainaning sobiq prezidenti Viktor Yanukovich shu yil 18-may kuni Obolonsk tuman sudi yig‘ilishida ishtirok etishiga doir bayonot berdi. Bu haqda “Korrespondent.net” ma’lum qildi.

“Hozirda Rostov sudidan videokonferensiya tartibida sud jarayonida ishtirok etishim bo‘yicha chaqiriqni kutyapman. Xuddi 2016-yil noyabrida bo‘lganidek. O‘shanda oshkora va butun mamlakat ko‘z o‘ngida guvohlik berishga jazm etgan yagona shaxs bo‘lgandim. Maydon tashkilotchilarida bunga jur’at yetmadi”, — deya ta’kidladi Yanukovich.

Shuningdek, sobiq prezident Ukraina rahbariyatini so‘roq qilish niyatida ekanligini bildirdi.

“Obolonsk sudidagi yig‘ilish jarayonida Poroshenko, Turchinov, Yatsenyuk, Lutsenko, Parubiy va davlat to‘ntarishining boshqa tashkilotlarini shaxsan so‘roq qilishim mumkin. Ularga savollarim tayyor”, — deyiladi bayonotda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!