So‘rov Makronga bo‘lgan ishonch Olland va Sarkoziga bo‘lgan ishonchdan pastligini ko‘rsatdi

Fransiyaning yangi prezidenti Emmanyuel Makronga bo‘lgan ishonch undan oldingi davlat rahbarlari — Fransua Olland va Nikolya Sarkozilarning hokimiyat tepasidagi ilk kunlaridagiga qaraganda ancha past. Buni Elabe sotsiologik instituti tomonidan o‘tkazilgan so‘rov natijalari ko‘rsatmoqda, deb xabar beradi “TASS”.

Tadqiqotning ko‘rsatishicha, respondentlarning 45 foizi Makron mamlakat muammolarini hal qila olishiga ishonadi, bunda bosh vazir Eduar Filippga ularning faqat 36 foizi ishonmoqda.

Ta’kidlanishicha, Olland prezidentligining ilk kunlarida shu kabi so‘rovda 58 foiz “ishonch” ovozlarini to‘plagan, Sarkozida esa bu ko‘rsatkich 59 foizga teng bo‘lgan edi. Hukumat rahbarlari 50–59 foiz fuqarolar orasida ishonch qozongan edi.

“Daryo” yangiliklarini Facebook’da kuzatib boring