Rossiyaliklarning qariyb yarmi Dmitriy Medvedevning iste’foga chiqishini qo‘llab-quvvatladi

“Levada-sentr” tomonidan o‘tkazilgan so‘rovda ishtirok etganlarning qariyb yarmi Dmitriy Medvedevning bosh vazir lavozimidan ketishini qo‘llab-quvvatladi. Bu haqda “RBK”ga tayanib, Meduza xabar berdi.

7—10-aprelda o‘tkazlgan so‘rovda ishtirok etganlarning 18 foizi Medvedevning iste’fosini qat’iy xohlashini aytgan, 27 foizi esa iste’fo uchun tarafdor ekanligini bildirgan.

“Levada-sentr” amaldagi hukumat rahbariga nisbatan ishonch pasayganini ham qayd etgan. So‘rovda ishtirok etganlarning uch foizi Medvedevga to‘liq ishonadi. Dekabr oyida o‘tkazilgan so‘rovda bu ko‘rsatkich to‘qqiz foizni tashkil qilgan. So‘rov ishtirokchilarining 33 foizi bosh vazirga ishonmaydi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!