Dayr az-Zavr shahrida terroristlarning hujumi oqibatida 15 kishi halok bo‘ldi

Suriyaning Dayr az-Zavr shahrida IShID guruhi terrorchilari tinch aholi yashovchi kvartallarni o‘qqa tutmoqda. Jumladan, “TASS”ning SANA agentligiga tayanib bildirishicha, Xaramish va al-Joura kvartallarida minomyot snaryadlarning portlashi oqibatida 15 kishi halok bo‘ldi, 63 kishi yaralandi.

Qurbonlar va yaradorlarning aksariyati ayollar va bolalardir.

Dayr az-Zavr qamali 2014-yildan buyon davom etmoqda. U yerda 200 ming nafar tinch aholi qolmoqda. Shaharning katta qismi va aerodrom hukumat qo‘shinlari nazorati ostida turibdi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo” yangiliklarini Facebook’da kuzatib boring