Video: Kanadada dengiz arsloni yosh qizchani suvga olib ketmoqchi bo‘ldi

Kanadaning Britaniya Kolumbiyasi provinsiyasida dengiz arsloni kichkina qiz bolaga hujum qilib, uni suv ostiga olib ketishga urindi. Voqea aks etgan videolavha internetda paydo bo‘ldi, deb xabar beradi “Vesti.ru”.

Videoda aks etishicha, jonivor bir lahzaga suvdan sakrab chiqib, qizaloqni tishlab olgan va uni suvga torta boshlagan. Qizaloqning ota-onasi va atrofdagi odamlar yordamga tashlangan. Qizning ortidan suvga sakragan erkak bolani qirg‘oqdagi odamlarga uzatgan, so‘ng o‘zi ham muvaffaqiyatli chiqib olgan.

Hech kim jiddiy jarohat olmagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!