Guam yaqinida AQSh harbiy vertolyoti halokatga uchradi

AQSh Harbiy-dengiz kuchlarining MH-60R Sea Hawk vertolyoti Tinch okeanidagi Guam oroli yaqinida suvga qulab tushdi. Bu haqda AQSh Harbiy-dengiz kuchlari matbuot xizmati xabar berdi, deb yozadi “TASS”.

Uch kishidan iborat ekipaj qutqarilgan. Sea Hawk vertolyoti dengiz bazasi hujum eskadrilyasida qayd etilgan va vaqtinchalik Dewey eskadra minonosetsiga joylashtirilgan. Hodisa yuzasidan surishtiruv olib borilmoqda.

Ekipaj ikki uchuvchi va bir nafar harbiy xizmatchidan iborat edi. Harbiy shifokorlar kema bortida ekipaj a’zolarini tekshirmoqda. Harbiy-dengiz kuchlari matbuot xizmatining ta’kidlashicha, ular jabrlanmagan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!