Yamanda Saudiya harbiy vertolyoti quladi, 13 kishi halok bo‘lgan

Yamanda Saudiya Arabistoni harbiy-havo kuchlarining Sikorsky UH-60 Black Hawk vertolyoti halokatga uchradi. Bu haqda “Gazeta.ru” xabar bermoqda.

Hodisa oqibatida 13 kishi halok bo‘lgan, ular orasida Saudiya Arabistoni va Fors ko‘rfazining boshqa mamlakatlari fuqarolari bor.

Rasmiy Ar-Riyodning ma’lum qilishicha, aviahalokat BAAga tegishli raketaga qarshi tizimning xatolik sabab ishlab ketishi oqibatida yuz bergan.

Yaman sobiq prezidenti Ali Abdulla Solih tarafdori hisoblangan Saudiya Arabistoni boshliq koalitsiyaga qarshi kurash oli borayotgan kuchlar vertolyot halokati uchun javobgarlikni o‘z zimmasiga olgan.

Avvalroq Turkiyaning Tunjeli viloyatida Sikorsky vertolyotining halokati oqibatida 12 kishi halok bo‘lgani haqida xabar berilgan edi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!