Shavkat Mirziyoyev: O‘qituvchilarni norozi qilmanglar, ular bizga kerak (video)

2-avgust kuni O‘zbekiston Prezidenti Shavkat Mirziyoyev raisligida 11 yillik o‘rta ta’lim tizimini joriy etish masalalariga bag‘ishlangan videoselektor yig‘ilishi bo‘lib o‘tdi.

O‘zAning qayd etishicha, yig‘ilishda shu kungacha kasb-hunar kollejlarida faoliyat ko‘rsatgan, dars soatlari hajmi kamaygan o‘qituvchilarni ish bilan ta’minlash masalasiga ham alohida e’tibor qaratilgan.

“O‘zbekiston 24” telekanalining xabariga ko‘ra, Shavkat Mirziyoyev kollejlardan bo‘shagan o‘qituvchilar 100 foiz bilan ish bilan ta’minlanishini aytib o‘tgan.

Hamma bilsin — kollejdan bo‘shagan o‘qituvchilarning bari 100 foiz ish bilan ta’minlanadi. Maktabga bormasa, boshqa joyga ishga olamiz.

O‘qituvchilarni norozi qilmanglar. Ular bizga kerak.

Shavkat Mirziyoyev, O‘zbekiston Prezidenti

Ma’lumot uchun, yig‘ilishda 20-avgustga qadar O‘zbekiston maktablarida 10-sinflarni shakllantirish haqida ko‘rsatma berilgan.

“Daryo” yangiliklarini Facebook’da kuzatib boring