Makkadagi hindistonlik ziyoratchilar joylashgan mehmonxonada yong‘in yuz berdi

Saudiyalik o‘t o‘chiruvchilar Makkaga kelgan ziyoratchi lar joylashgan mehmonxonada yuz bergan yong‘inni o‘chirishga muvaffaq bo‘ldi. Bu haqda “RIA Novosti” xabar berdi.

Fuqaro muhofazasi boshqarmasi tomonidan xabar berilishicha, yong‘in al-Aziziya dahasidagi 391 nafar ziyoratchi joylashgan mehmonxonada yuz bergan. Hech kim jabrlanmagan. Yong‘in yuz bergan yetti qavatli mehmonxonaga Hindistondan kelgan ziyoratchilar joylashgan edi.

Eslatib o‘tamiz, 7-avgust kuni O‘zbekistonning 459 nafar ziyoratchidan iborat dastlabki guruhlari ikkita reysda Saudiya Arabistoniga jo‘nab ketdi. O‘zbekistonlik ziyoratchilar al-Aziziya dahasida joylashgan 23 qavatli “Abroj al-Hidoya” nomli mehmonxonaga joylashadi.

“Daryo” yangiliklarini “Odnoklassniki”da kuzatib boring