Qozog‘iston politsiyasi Qirg‘iziston bilan chegaradagi otishmani tekshirmoqda

Qozog‘iston politsiyachilari Jambil viloyatida Qirg‘iziston bilan chegarada yuz bergan otishmada halok bo‘lgan qozog‘istonlikning qarindoshlarini so‘roq qilmoqda, deb yozadi KNews.

OAVlarga ko‘ra, “Jasorken” chegara zastavasida chegarachilar Qozog‘iston chegarasini buzib o‘tganligi taxmin qilingan kimsalarga o‘t ochishiga to‘g‘ri kelgan.

“Taxminan 15 kishilik guruh bo‘ysunmadi va chegarachilarga nisbatan jismoniy kuch ishlatdi. Hujum qilganlardan biri yaralandi, u keyinroq vafot etdi, qolganlar yaqin oradagi aholi punktiga qochib ketdi”, — deyiladi xabarda.

Og‘ir yaralanib vafot etgan shaxs Jasorken qishlog‘i fuqarosi bo‘lgan, hodisaning boshqa ishtirokchilari fuqaroligi noma’lum.

“Daryo”ning Telegram’dagi rasmiy kanali — @toshqindaryo’ga a’zo bo‘ling!