Xitoy KXDRdan bir qator tovarlarni olib kirishga taqiq joriy etdi

Xitoy BMT Xavfsizlik Kengashining yaqinda qabul qilingan rezolyutsiyasi ijrosi doirasida Shimoliy Koreyadan keladigan tovarlarni kiritishga taqiq joriy etdi. Bu haqda, Xitoy tijorat vazirligi bayonotiga tayanib, “RIA Novosti” xabar bermoqda.

“15-avgustdan e’tiboran KXDRdan ko‘mir, temir, temir rudasi, qo‘rg‘oshin, qo‘rg‘oshin rudasi, dengiz mahsulotlari olib kirish taqiqlanadi”, — deyiladi bayonotda.

Aytilishicha, qaror kuchga kirguniga qadar Xitoy nazorat-o‘tkazish punktlariga yetib kelgan tovarlar eski shartlarda olib kirilishiga ruxsat beriladi.

“Daryo” yangiliklarini “Odnoklassniki”da kuzatib boring