Qoraqalpog‘istonga 62 ta tez yordam mashinasi ajratildi

Qoraqalpog‘iston Respublikasi Sog‘liqni saqlash vazirligiga umumiy bahosi 2 milliard 580 million so‘mlik 62 ta tez yordam mashinasi berildi. Bu haqda “KRuz.uz” ma’lum qildi.

Nukus shahridagi Yoshlar markazida ushbu avtomobillarni topshirish marosimi bo‘lib o‘tdi.

Qoraqalpog‘iston Respublikasi Sog‘liqni saqlash vazirining o‘rinbosari A.Serjanovga ko‘ra, vazirlik tomonidan tez tibbiy yordam brigadalarini 41 nomdagi dori-darmon bilan ta’minlash uchun jami 537 million so‘mlik dori sotib olish bo‘yicha ishlar olib borildi.

Shuningdek, barcha tez tibbiy brigadalaridagi avtomobillarga GPS navigatorlari o‘rnatilib, chaqiruvlarni o‘z vaqtida qabul qilish, markaz bilan uzluksiz bog‘lanishda bo‘lishlari uchun aloqa vositalari bilan ta’minlanmoqda.

“Daryo” yangiliklarini Facebook’da kuzatib boring