Amerikalik aktyor Jerri Lyuis Las-Vegasda 92 yoshida vafot etdi

Amerikalik aktyor va komik Jerri Lyuis Las-Vegasda 92 yoshida vafot etdi. Bu haqda “RIA Novosti” xabar bermoqda.

Aktyor bir necha yil davomida saraton kasalligi bilan kurashib kelgani bildirilmoqda.

Jerri Lyuis AQShda Din Martin bilan birgalikdagi komedik juftlik ishtirokchisi sifatida tanilgandi. Shuningdek, “Bu telba, telba dunyo”, “Yo‘lak qarovchisi”, “Aqldan ozgan professor” (aktyor va rejissor sifatida) kabi filmlarda suratga tushdi.

Lyuis ko‘plab nufuzli mukofotlar, jumladan, “Emmi” va “faxriy Oskar” — Jin Xersholt nomli mukofot bilan taqdirlangandi.

“Daryo”ning YouTube’dagi rasmiy sahifasiga obuna bo‘ling