Marselda avtomobil avtobus bekatlariga borib urildi

Marselda (Fransiya) avtomobil ikkita avtobus bekatiga borib urildi, deb xabar berdi Reuters agentligi.

Agentlikning ma’lumotlariga ko‘ra, kamida bir kishi halok bo‘lgan va yana bir kishi jarohat olgan.

Transport vositasining haydovchisi qo‘lga olingan. Huquq-tartibot xodimlari hozircha u nima sababdan bunday qilganini ayta olmadi.

Shahar politsiyasi o‘zining Twitter’dagi sahifasida shahar aholisi va mehmonlaridan iloji boricha voqea joyiga yaqinlashmaslikni so‘radi.

“RIA Novosti”ning mahalliy OAVga asoslanib xabar berishicha, mashinani boshqargan odam politsiyaga ma’lum bo‘lgan, biroq razvedka uni kuzatmagan.

“Daryo” yangiliklarini “Odnoklassniki”da kuzatib boring