Iroq aviatsiyasi IShID nazoratidagi tumanlarga taslim bo‘lishga da’vat qilingan varaqalar tashladi

Iroq harbiy-havo kuchlari (HHK) qator aholi punktlariga samolyotdan IShID jangarilarini taslim bo‘lishga chaqirilgan varaqalarni tashladi. Bu haqda “RIA Novosti” xabar bermoqda.

“HHK samolyotlari Al-Xavija, Al-Qayum, Rava, Ana va Akashat tumanlariga yuz minglab varaqalar tashladi. Ularda Iroq armiyasi muvaffaqiyatlari haqidagi yangiliklar, shuningdek, xtaslim bo‘lmasalar, jangarilar o‘limga mahkum ekanliklari haqida ogohlantiruv berilgan”, — deyiladi qurolli kuchlar matbuot xizmati xabarida.

Ma’lumot uchun, Al-Xavija mamlakat shimolida, Kirkuk shahri yaqinida, Al-Qayum, Rava va Akashat esa Iroq g‘arbida joylashgan.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!