Dizayner o‘z studiyasini Valensiyadagi ko‘prik tagiga osib qo‘ydi (foto)

Ispaniyalik mebel dizayneri Valensiyada graffiti bilan bejab tashlangan ko‘priklardan birining ostida o‘ziga nanostudiya qurib oldi, deb yozadi Afisha Daily.

U yerda joy faqat bir kishiga yetsa-da, ammo ilhomlanish uchun kenglik cheksizdir, deyiladi xabarda. Bu yerda zarur narsalarning barchasi — ish stoli, stul, javonlar, fotoromlar va har ehtimolga qarshi ko‘rpa-yostiq ham bor.

Bir qarashda konstruksiya beton gumbazlar ostida havoda muallaq turganga o‘xshaydi, bularning barchasi esa ko‘proq ijodiy jarayonning imkonsizligi haqidagi installyatsiyani eslatadi. Aslida esa u yerda ijod qilishning juda ham imkoni bor: ish joyiga ko‘prikning qarama-qarshi uchidan metall va yog‘ochdan yasalgan mobil platforma kelgan, unda dizaynerning o‘zi o‘tirib, konstruksiyani oddiy dastak yordamida harakatga keltiradi.

Studiyani yaratishga ikki hafta vaqt ketdi. Avval mana bunday edi:

Mana bu suratlarni esa bugun ko‘plab me’morchilik (nafaqat) nashrlarda ko‘rish mumkin:

Studiyani o‘z ko‘zingiz bilan ko‘rishingiz amri mahol: Abeyanas uning qayerda joylashganligini sir tutmoqda. Bunga avvalambor, vandallar va soliq inspeksiyasidan xavfsirashi  sababchidir. Shunga qaramay, uning Levrel dizayn agentligi ajoyib tarzda reklama qilindi: agar sizga ixcham va funksional mebel kerak bo‘lsa, shu yerga keling.

“Daryo”ning Telegram’dagi rasmiy kanali — @toshqindaryo’ga a’zo bo‘ling!