Angrenda uyida behush yotgan fuqaroga tezkor yordam ko‘rsatildi

Joriy yilning 18-avgustdan 19-avgustga o‘tar kechasi, taxminan, soat 23:55 larda “Qamchiq” maxsus qidiruv-qutqaruv boshqarmasi navbatchi dispetcheriga Angren shahrida yashovchi fuqaro X.S tomonidan uyining eshigi ochilmayotganligi va uy ichida o‘g‘li behush yotganligi to‘g‘risida xabar kelib tushgan. Bu haqda Favqulodda vaziyatlar vazirligining matbuot xizmati ma’lum qildi.

Mazkur murojaatga asosan, “Qamchiq” maxsus qidiruv-qutqaruv boshqarmasining qutqaruvchilari zudlik bilan belgilangan manzilga etib bordi. Vaziyat o‘rganilganda, haqiqatdan ham uy ichida 25 yoshlar atrofidagi yigit behush yotganligi aniqlandi. Tezkor sa’y-harakatlar natijasida, ichkaridan yopilib qolgan eshik maxsus asbob-anjomlar yordamida ochildi va behush bo‘lgan fuqaroga birinchi tibbiy yordam ko‘rsatildi.

“Daryo”ning YouTube’dagi rasmiy sahifasiga obuna bo‘ling