BMT: Nigeriyada jangarilar yil boshidan buyon 80 dan ortiq boladan xudkush sifatida foydalandi

Nigeriyada terrorchilar yil boshidan buyon 80 dan ortiq boladan xudkush sifatida foydalandi. Bu haqda BMT bosh kotibining rasmiy vakili Stefan Dyujarrik jurnalistlar bilan suhbat chog‘ida bayonot berdi, deb xabar qiladi “TASS”.

U YuNISЕF ma’lumotlariga tayanib ushbu raqamlarni keltirdi. Ularga ko‘ra, teraktlar sodir etgan bolalar soni o‘tgan yilning shu davriga nisbatan to‘rt barobar ko‘proqdir.

“2017-yil boshidan buyon 83 boladan portlashlar sodir etishda foydalanilgan, shulardan 55 nafari qizlar bo‘lib, ko‘pchiligi 15 yoshga to‘lmagan edi”, — ma’lum qildi BMT vakili.

“Daryo” yangiliklarini “Odnoklassniki”da kuzatib boring