OAV: Xalqaro koalitsiya Raqqaga bergan aviazarba oqibatida salkam 80 kishi halok bo‘ldi

AQSh boshchiligidagi xalqaro koalitsiya Suriyaning Raqqa shahriga bergan aviazarba oqibatida sutka davomida 78 kishi halok bo‘ldi. Bu haqda SANA agentligi ma’lum qildi, deya xabar beradi “Vedomosti”.

Shuningdek, agentlikka ko‘ra, Raqqaga aviahujumdan ikki kun avval koalitsiya samolyotlarining Al-Xasaka viloyatidagi Jizza qishlog‘iga bergan zarbasi 20 kishining umriga zomin bo‘lgan.

BMT da Raqqada o‘nlab kishilarning qurbon bo‘lgani haqidagi xabar “tasdiqlanmagan” deb izohlandi, biroq tinch aholiga nisbatan har qanday hujumlar qoralashga loyiq ekanligi bildirildi.

Bosh kotibning rasmiy vakili Stefan Dyujarrik “qurbonlar haqidagi ma’lumot tasdiqlansa, bu urushning zalvorli yuki tinch aholiga tushishi haqidagi ayanchli eslatma bo‘lishi”ni ma’lum qildi.

“Daryo” yangiliklarini “Odnoklassniki”da kuzatib boring