1-sentabrda nishonlanadigan Qurbon Hayiti, Gulnora Karimovaning Moskvadagi mol-mulki taqdiri, Xalqaro press-klub rahbarining bayonoti va kunning boshqa muhim xabarlari

24-avgustning e’tiborga molik yangiliklari — “Daryo”ning kechki dayjestida.

1. O‘zbekistonda Qurbon hayiti 1-sentabr kuni nishonlanadi. O‘zbekiston musulmonlari idorasi Qurbon hayitining birinchi kuni 1-sentabr, juma kuniga to‘g‘ri kelishi ma’lumot bergan.

2. Rossiya Bosh prokuraturasi O‘zbekistonning Gulnora Karimovaga tegishli mol-mulkni xatlash haqidagi so‘rovini ko‘rib chiqmoqda. Avvalroq O‘zbekiston Bosh prokuraturasi tomonidan Gulnora Karimovaga nisbatan ikkita jinoyat ishi qo‘zg‘atilgani xabar qilingandi.

3. Sherzodxon Qudratxo‘jayev: Oldinda bizni juda muhim va dolzarb muloqotlar, yangi formatdagi uchrashuvlar kutmoqda. O‘zMTRKda 21-avgust kuni O‘zbekiston bosh vaziri ishtirokida bo‘lib o‘tgan majlisdan so‘ng turli gap-so‘zlar tarqalib ketgan edi.

4. Samarqanddagi Islom Karimov maqbarasini pardozlash ishlarida hind ustalari qatnashmoqda. Shahardagi Islom Karimov haykali 2-sentabrga qadar ochilishi kutilmoqda.

5. Ozodbek Nazarbekov: Lavozim o‘tkinchi narsa, shuhratparastlikka berilmaslik lozim. U “Yoshlar” teleradiokanali rahbarligiga o‘tgani sababli Rossiyadagi konsertini qoldirishga majbur bo‘lganini ma’lum qildi.

“Daryo” yangiliklarini Facebook’da kuzatib boring