O‘zbekistonda Qurbon hayiti 1-sentabr kuni nishonlanadi

O‘zbekiston Prezidenti Qurbon hayitini nishonlash to‘g‘risidagi qarorni imzoladi. Qaror matni Prezidentning rasmiy veb-saytida e’lon qilindi.

“O‘zbekiston musulmonlari idorasining joriy yilda Qurbon hayitining birinchi kuni 1-sentabr, juma kuniga to‘g‘ri kelishi haqidagi murojaatini inobatga olib, 2017-yil 1-sentabr mamlakatimizda bayram sifatida keng nishonlansin”, — deyiladi hujjatda.

Respublika “Nuroniy”, “Mahalla” jamg‘armalari va boshqa barcha mutasaddi idoralar, jamoat tashkilotlari Qurbon hayitining joylarda tartibli va yuqori darajada, xalqning milliy qadriyatlariga mos ravishda o‘tishi uchun tegishli tadbirlarni amalga oshirish haqida ko‘rsatma berilgan.

“Daryo”ning YouTube’dagi rasmiy sahifasiga obuna bo‘ling