Braziliyadagi kema halokatlari qurbonlari soni 40 kishidan oshdi

Braziliyada oxirgi ikki sutkada ro‘y bergan kema halokatlarining umumiy qurbonlari soni 41 kishiga yetdi. Bu haqda, Globo telekanaliga asoslanib, “TASS” xabar bermoqda.

Muqaddam Braziliya shimolidagi Para shtatida 70 kishini olib ketayotgan qayiq halokatga uchragani xabar qilingan edi. Yo‘lovchilarning 19 nafari halok bo‘ldi. “Kapitan Ribeyru” Shingu daryosida kuchli dovulga uchradi.

Yana 22 kishi Baiya shtatida boshqa yo‘lovchi kemasining halokatida qurbon bo‘ldi. Uning bortida 129 kishi bor edi. 21 kishi qutqarib olindi. Qolganlar bedarak yo‘qolgan deb hisoblanmoqda.

“Daryo” yangiliklarini “Odnoklassniki”da kuzatib boring