Abu-Dabida mahbuslar endi videoaloqadan foydalanishi mumkin bo‘ldi

Birlashgan Arab Amirliklari poytaxti Abu-Dabida joriy qilingan yangi tizim sharofati bilan, endi mahbuslar qamoqxona hududiga kirishi taqiqlangan farzandlari bilan video orqali aloqa qila oladi, deb yozadi UAE Inside.

Rasmiy shaxslar tasdiqlashicha, Al Wathba qamoqxonasi mahbusi to‘rt oy ko‘rishmagan farzandlari bilan suhbatlashishga muvaffaq bo‘lgan.

Ushbu yangilik bolalar uchun amalga oshirildi: hukumat qiyin vaziyatlarda bolalar o‘z ota-onalari bilan ko‘rishishi va muloqot qilishi muhim ekanligini ta’kidladi. Shu bilan birga, yangi imkoniyatlarga qaramay, hibsning barcha qonuniy jihatlari saqlab qolindi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!