Harbiy mashg‘ulotlarni kuzatgan Mirziyoyev, “Narxoz” va O‘zMU imtihonlaridagi shubhali “tasodiflar”, bolalarga qo‘l ko‘tarayotgan bog‘cha tarbiyachilari va kunning boshqa muhim xabarlari

28-avgustning e’tiborga molik yangiliklari — “Daryo”ning kechki dayjestida.

1. Shavkat Mirziyoyev: Kimki o‘z armiyasini boqishni istamasa, boshqalarning armiyasini boqadi. Prezident “Kattaqo‘rg‘on” dala-o‘quv maydonida o‘tkazilgan operativ taktik mashqlarni kuzatdi.

2. Atambayev: O‘zbekiston Prezidenti Qirg‘izistonga tashrif buyuradi. O‘zbekiston Prezidenti Shavkat Mirziyoyev kelasi hafta Qirg‘izistonga tashrif buyurishni rejalashtirmoqda.

3. “Narxoz”dagi “tasodiflar”: TDIUdagi kirish imtihonlari bo‘yicha shubhali belgilar topildi. O‘zMUda ham TDIU kirish imtihonlaridagi kabi shubhali “tasodifiy holat” aniqlandi.

4. Samarqanddan video: Bolalarni urib, so‘ng ularga muzqaymoq ulashayotgan bog‘cha xodimi. Navoiyda esa bog‘cha bolalariga qo‘l ko‘targan tarbiyachi ishdan haydaldi.

5. Lola Karimova-Tillayeva YuNESKOdagi faoliyatini yakunlaydi. Birinchi Prezident Islom Karimovning kenja qizi asosiy e’tiborini, jumladan, otasining nomi bilan ataluvchi fond ishlariga qaratmoqchi.

“Daryo”ning YouTube’dagi rasmiy sahifasiga obuna bo‘ling