Boyqo‘ng‘irdan uchiriladigan Angolaga tegishli aloqa sun’iy yo‘ldoshining parvozi 4-marta qoldirildi

Angolaning Angosat nomli birinchi sun’iy yo‘ldoshi Boyqo‘ng‘ir kosmodromidan 2017-yilning dekabr oyi boshida start oladi. Bu haqda “Interfaks” xabar berdi.

“Fregat SB” tezlashtiruvchi bloki bilan “Zenit” eltuvchi raketasi yordamida uchiriladigan Angosat aloqa yo‘ldoshining parvozi 2017-yilning noyabr oyidan 7-dekabrga qoldirildi. Parvozning kechiktirilishiga tashkiliy masala sabab bo‘lgan.

Avvalroq sun’iy yo‘ldoshning parvozi 2017-yilning yozida bo‘lishi rejalashtirilgan, keyin parvoz sentabr oyiga ko‘chirilgan, so‘ngra — oktabr oxiriga, keyin esa noyabrga qoldirilgan.

Angosat-1 geostatsionar aloqa yo‘ldoshi bo‘lib, “Energiya” raketa-kosmik korporatsiyasi tomonidan yasalmoqda va Angosat kompaniyasi tomonidan ishlatiladi. Bu Angolaning birinchi aloqa sun’iy yo‘ldoshi hisoblanadi.

“Daryo”ning YouTube’dagi rasmiy sahifasiga obuna bo‘ling