Polshada yo‘lovchi va yuk poyezdlari to‘qnashishi tufayli 20 kishi jabrlandi

Polsha shimolida yo‘lovchi va yuk poyezdlari to‘qnashdi. Bu haqda “TASS” xabar bermoqda.

Grudzyondz shahri yaqinida ro‘y bergan hodisa oqibatida yo‘lovchi poyezdi izdan chiqib ketdi. Avariya chog‘i poyezdda bo‘lgan 130 yo‘lovchi keyinchalik evakuatsiya qilindi.

Orasida 4 bola ham bo‘lgan 20 nafar jabrdiyda yengil jarohat olgani bildirilmoqda.

To‘qnashuv sabablari hozircha ma’lum qilinmadi.

“Daryo” yangiliklarini Facebook’da kuzatib boring