Texasda “Xarvi” to‘foni qurbonlari soni 35 kishiga yetgani bildirildi

AQShning Texas shtatida kamida 35 kishi “Xarvi” to‘foni qurboni bo‘ldi, yana 17 kishi bedarak yo‘qoldi. 32 ming kishi uyini tark etishga majbur bo‘ldi, deya xabar beradi “Korrespondent.net”.

Oldinroq tabiiy ofat oqibatida 30 kishi halok bo‘lgani bildirilgandi.

Fort-Bend okrugi sherifi Chad Norvellga ko‘ra, Simonton hududidagi toshqinda er-xotin cho‘kib ketdi. Shuningdek, suv oqimi qizaloqni ham oqizib ketgan.

To‘fon hozirda “tropik depressiya” darajasigacha zaiflashdi, biroq meteorologlar xavfli toshqinlar Xyuston, Port-Artur va Luiziana janubi-g‘arbida hafta oxirigacha davom etishi haqida ogohlantirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!