OAV: Yaponiya Shimoliy Koreya raketalarini lazer yordamida urib tushiradi

Yaponiya Shimoliy Koreya raketalarini zararsizlantirish uchun lazerdan foydalanishni rejalashtirmoqda. Bu haqda “Korrespondent.net” xabar bermoqda. 

Yomiuri nashriga ko‘ra, lazer raketaga qurilma uchirilishidan keyinoq zarba berishi lozim. Bunday tizim tutib oluvchi ballistik raketalardan arzonroqqa tushishi kutilmoqda.

Eslatib o‘tamiz, KXDR 29-avgust kuni uchirgan o‘rta masofadagi “Xvason-12” ballistik raketasi Yaponiyaning shimoli-sharqiy qismidan uchib o‘tib, Xokkaydo orolidagi Erimo burnidan 1180 kilometr sharqda, Tinch okeaniga quladi.

“Daryo”ning YouTube’dagi rasmiy sahifasiga obuna bo‘ling