Xavfsizlik kengashi KXDR Yaponiya tomonga ballistik raketa uchirishiga bag‘ishlangan shoshilinch yig‘ilish o‘tkazadi

BMT Xavfsizlik kengashining Shimoliy Koreya tomonidan “Xvanson-12” ballistik raketasi uchirilishini muhokama etishga bag‘ishlangan shoshilinch yig‘ilishi 29-avgust, seshanba kuni o‘tkaziladi. Bu haqda “Vedomosti” xabar bermoqda.

Xavfsizlik kengashi yig‘ilishi AQSh, Yaponiya va Janubiy Koreya tashabbusi bilan chaqirilmoqda.

Eslatib o‘tamiz, 29-avgust kuni saharda uchirilgan KXDR raketasi Yaponiyaning Xokkaydo oroli osmonidan uchib o‘tib, undan 1180 kilometr nariga, Tinch okeaniga quladi.

Janubiy Koreya milliy razvedka xizmatiga ko‘ra, KXDR Pangi-ri tajriba poligonida 9-sentabr kuni yangi yadro sinoviga tayyorgarlik ko‘rayotgani alomatlari sezilmoqda. Shu kuni Shimoliy Koreyada millat e’lon qilingan kun nishonlanadi.

“Daryo”ning YouTube’dagi rasmiy sahifasiga obuna bo‘ling