Yashnabodda Janubiy Koreyaga ishga yuborishni va’da qilib pul ishlab olgan firibgar qo‘lga olindi

Toshkent shahrining Yashnabod tumanida IIB profilaktika inspektorlari sohaviy xizmat xodimlari bilan birgalikda Koreyaga ishga yuborishni va’da qilib, 33 200 000 so‘m pulini olib, o‘z ehtiyojiga ishlatib yuborgan firibgarni qo‘lga oldi. Bu haqda IIV Huquqbuzarliklar profilaktikasi bosh boshqarmasi xabar berdi.

Yashnobod tumanida 5-sentabr kuni soat 19:22 da tushgan xabarga ko‘ra, 17-avgust kuni soat 21:26 da, 1993-yilda tug‘ilgan Sergeli tumanida yashovchi fuqaro Y.E. Aviasozlar dahasida yashovchi 1987-yilda tug‘ilgan R.A.ni Janubiy Koreya davlatiga ishga yuborishini va’da qilib, undan 33 200 000 so‘m pul olib, o‘z extiyojiga sarflab yuborganligi aniqlanib, qo‘lga olindi.

Mazkur holat yuzasidan fuqaro Yu.E.ga nisbatan Yashnobod tuman IIB tomonidan O‘zbekiston Respublikasi Jinoyat Kodeksining 168-modda 2-qismi bilan jinoyat ishi qo‘zg‘atildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!