AQShning Toshkentdagi elchisi bank shoxobchasidan “hech qanday muammosiz” dollar ayirboshladi

AQShning Toshkentdagi elchisi Pamela Spratlen “Asaka bank” shoxobchasidan valyuta ayirboshladi. Bu haqda diplomat Twitter’dagi rasmiy sahifasi orqali ma’lum qildi.

Ma’lumki, O‘zbekistonda 5-sentabrdan xorijiy valyuta rasmiy kursi bozor mexanizmlari asosida belgilanishi qat’iy o‘rnatildi hamda banklar orqali hech qanday to‘siqlarsiz valyuta ayirboshlash imkoniyati yaratildi. Elchi bu yangilikka yuqori baho berib, “O‘zbekistonning yangi kuni” boshlanganini ta’kidlab o‘tdi.

“O‘zbekistonda yangi kun. Men Radisson’dagi ayirboshlash shoxobchasida dollarni mahalliy valyutaga ayirboshladim. Hech qanday muammosiz”, — deb yozdi Spratlen xonim.

“Daryo” yangiliklarini Facebook’da kuzatib boring