“Istiqlol” san’at saroyi direktori “Million” jamoasining konsertida balkonda joy talashib janjallashgan yigitlar haqida nima dedi?

“Istiqlol” san’at saroyining direktori Isroil G‘ulomov jurnalist Feruz Muhammadga intervyu berdi. Saroy direktori suhbat davomida “Million” jamoasining konsertida konsert zalining balkonida ikkita yigitning joy talashish oqibatida kelib chiqqan janjal haqida gapirdi.

“Million” jamoasining konserti bo‘layotganda, balkonda yoshlar, joy talashib urishib qolishgan. Bir yigit o‘zini joyini qidirib, joyiga o‘tirayotganda, boshqa bir yigit “nega mening yuzimga fonar tutayapsan”, deb urishib ketib qolishgan. O‘sha vaqtda millitsioner xodimlari ikkalasini ham ajratib, ularning ustidan ish qo‘zg‘ashdi. Bu nima degani, bu o‘zini ko‘rsatishmi, avvalo bunday bolalarga, o‘sha qizga ham, ota-onasi yaxshi tarbiya bergan bo‘lishi kerak. “Istiqlol” san’at saroyi ularning tartibsizligini ko‘rsatadigan joy emas-ku, to‘rt mingga yaqin odamni ko‘nglini olishimiz kerak. Har xil odam, har xil tomoshabin bor axir. Avvalo o‘shanday tartibsiz yoshlarimizda konsertga kelish, saroyda o‘tirish va konsert tomosha qilish madaniyatini ko‘tarish kerak.

Isroil G‘ulomov, “Istiqlol” san’at saroyining direktori

“Daryo”ning YouTube’dagi rasmiy sahifasiga obuna bo‘ling