Rossiyadagi “Nashi” harakati asoschisi Boris Yakemenko prezident saylovida qatnashadigan bo‘ldi

Rossiyalik siyosatchi, Kreml siyosatini yoqlovchi “Nashi” harakati yaratilishida mafkurachi bo‘lgan Boris Yakemenko 2018-yilgi prezident saylovida o‘z nomzodini ko‘rsatadi. Bu haqda Meduza xabar bermoqda.

Yakemenkoning aniqlashtirishicha, bu haqda u rasman kampaniya boshlanishi arafasida e’lon qiladi. U rejalarini Kreml hamda akasi Vasiliy Yakemenko bilan muhokama qilmaganini aytib o‘tdi.

Vasiliy Yakemenko ukasining kampaniyasi uchun pul to‘plashi kutilmoqda. Boris Yakemenko pul milliy yo‘naltirilgan biznes va befarq bo‘lmagan insonlar tomonidan berilishiga ishonch bildirdi.

“Oddiy odam qancha ovoz to‘plashi mumkinligi menga juda qiziq”, — dedi Yakemenko va g‘alabaga ishonishini qo‘shimcha tarzda aytdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!