“Irma” to‘foni yo‘lida uchragan barcha narsani yakson qilmoqda (fotogalereya)

7-sentabr kechasi “Irma” to‘foni Gvadelupe tarkibiga kiruvchi Sen-Bartelemi hamda Sen-Marten orollariga yopirildi. To‘fon oqibatida hududning bir qismi elektr energiyasiz qoldi. “Irma” to‘foni suv toshqilariga sabab bo‘ldi va ko‘plab daraxtlarni tomiri bilan qo‘porib tashladi, inshootlarni vayronaga aylantirdi, infratuzilma obyektlariga jiddiy zarar yetkazdi. To‘fon oqibatida kamida sakkiz kishi halok bo‘ldi, 23 kishi jarohat oldi.

“Irma” to‘foniga xavflilikning maksimal — beshinchi darajasi berildi, u Atlantikada so‘nggi o‘n yilliklarda sodir bo‘lgan eng kuchli to‘fon deyilmoqda. Hozirda to‘fon AQSh tomon harakat qilmoqada va 9-sentabr kuni Florida qirg‘oqlariga yetib borishi mumkin.

“Gazeta.ru” nashri “Irma” to‘fonidan so‘ng qolgan vayronalarning suratlarini to‘plab taqdim etdi.

“Daryo” yangiliklarini “Odnoklassniki”da kuzatib boring