Floridada “Irma” dovuli sababli sayyohlar va mahalliy aholi evakuatsiyasi boshlandi

Rasmiylar “Irma” dovuli yaqinlashayotganligi sababli Florida-Kis arxipelagi (AQSh, Florida shtati) orollari aholisi va sayyohlarni evakuatsiya qilishga hozirlik ko‘rmoqda. Bu haqda Monro okrugi ma’muriyati vakili Kemmi Klark ma’lum qildi, deya xabar beradi “MK.ru”.

“Sayyohlar uchun majburiy evakuatsiya 6-sentabr, chorshanba kuni ertalabdan kuchga kirdi. Florida-Kisni barcha sayyohlar tark etishi shart. Mahalliy aholini evakuatsiya qilish rejasi ham ishlab chiqilmoqda”, — ta’kidladi ma’muriyat vakili.

Eslatib o‘tamiz, oldinroq AQShga soatiga 200 kilometr tezlikda “Irma” dovuli yaqinlashayotgani, 9-sentabrda Florida janubiga yetib borishi kutilayotgani bildirilgandi.

“Daryo” yangiliklarini “Odnoklassniki”da kuzatib boring