Atlantikadan o‘tayotgan “Xose” to‘foni to‘rtinchi kategoriyagacha kuchaydi

Atlantika okeani ustidan o‘tayotgan “Xose” to‘foni Saffir­­­ — Simpson shkalasi bo‘yicha to‘rtinchi kategoriyaga qadar kuchaydi. Bu haqda to‘fonlardan ogohlantirish bo‘yicha AQSH milliy markazi ma’lum qildi, deb xabar beradi “RIA Novosti”.

To‘fon Shimoliy Shamol orollaridan 700 kilometr janubi-sharqroqda. Shamol tezligi soatiga 240 kilometrdan oshmoqda.

“Xose” sharqqa, Karib havzasi tomon siljimoqda. U yerda ayni paytda “Irma” to‘foni avjiga chiqmoqda.

“Irma” to‘foni muqaddam AQShning Texas shtatini vayron qilgan “Xarvi” to‘fonidan ham kuchli bo‘lib, Karib havzasidagi qator davlatlar va hududlarga tahdid solmoqda.

“Daryo”ning YouTube’dagi rasmiy sahifasiga obuna bo‘ling