Karib inqirozi davrida SSSRning Kubada halok bo‘lgan fuqarolari soni e’lon qilindi

Rossiya mudofaa vazirligi Kubaga sovet ballistik raketalari yetkazilganining 55 yilligi munosabati bilan SSSR fuqarolari o‘rtasida mazkur orol-davlatda Karib inqirozi va undan keyingi davrdagi yo‘qotishlar haqida ma’lum qildi. Bu haqda “Interfaks” xabar bermoqda. 

“Operatsiya davomida sovet harbiy xizmatchilari o‘rtasidagi yo‘qotishlarning aniq soni rasman e’lon qilinmagan. Bizning ma’lumotlarga ko‘ra, 1962-yil 1-avgustidan 1964-yil 16-avgustigacha Kubada 64 nafar SSSR fuqarosi halok bo‘lgan”, — deyiladi vazirlik xabarida. 

Ma’lumot uchun, 1962-yil 9-sentabrda “Anadir” maxfiy operatsiyasi doirasida Kubaga birinchi sovet ballistik raketalari yetkazilgan, keyinchalik ular yadroviy jangovar zaryadlar bilan ta’minlangandi.

“Daryo” yangiliklarini “Odnoklassniki”da kuzatib boring