Toshkentda o‘tkaziladigan ICTEXPO 2017 ko‘rgazmasining barcha ishtirokchilari shakllantirildi

Toshkent shahrida 19—21-sentabr kunlari bo‘lib o‘tadigan ICTEXPO 2017 ko‘rgazmasining barcha ishtirokchilari shakllantirildi. Bu haqda “Daryo”ga ICTWeek Uzbekistan 2017 tashkiliy qo‘mitasi ma’lum qildi.

Bu yil ilk bor ko‘rgazma ishtirokchilari ikki pavilyon maydonlarini egalladi. Ko‘rgazmada O‘zbekistondan tashqari Rossiya, Xitoy, Shveysariya va boshqa davlatlar kompaniyalari qatnashadi. 

Shuningdek, birinchi marotaba davlat va xo‘jalik boshqaruvi organlari, ijro hokimiyati organlari istisno tariqasida AKT sohasidagi mahalliy kompaniyalar bilan to‘g‘ridan to‘g‘ri shartnomalar imzolashi mumkin. 

Haftalik tashkilotchilari 20—21-sentabr kunlari bo‘lib o‘tadigan ICTFORUM 2017 anjumanida tinglovchi sifatida ishtirok etish uchun talabanomalar qabul qilishda davom etmoqda. 

“Daryo” yangiliklarini Facebook’da kuzatib boring