Saakashvili Ukraina politsiyasini chegarada uning pasportini o‘g‘irlashda aybladi

Ukrainalik va gruziyalik siyosatchi, Odessa viloyatining sobiq gubernatori Mixail Saakashvili Ukraina politsiyasi mamlakat chegarasida uning pasportini o‘g‘irlaganini aytdi. Bu haqda Meduza xabar bermoqda.

“Odamlar meni qo‘llarida Ukrainaga olib kirganida pasportni avtobusda qoldirgan edim. Politsiya kelib, avtobusda tintuv o‘tkazdi va pasportimni o‘g‘irladi. Hozir pasport ularning qo‘lida”, — dedi Saakashvili Lvovda o‘tkazilgan matbuot anjumanida.

Ukraina fuqaroligidan mahrum qilingan Saakashvili mamlakat hududiga kirish uchun chegaraga yaqinlashganida bu yerda minglab odamlar to‘planib, uni mamlakat hududiga olib kirdi.

“Daryo” yangiliklarini Facebook’da kuzatib boring