BMT Xavfsizlik kengashi KXDRga qarshi yangi sanksiyalarni joriy qildi

BMT Xavfsizlik kengashi KXDRga qarshi yangi sanksiyalar kiritish haqidagi rezolyutsiyani bir ovozdan qabul qildi, deb yozadi “Gazeta.ru”.

Yangi rezolyutsiyaga muvofiq, KXDRga neft mahsulotlari yetkazib berishga cheklovlar joriy qilinmoqda. Neft xomashyosini yetkazib berish chegaralanadi — uning hajmi o‘tgan 12 oydagi ko‘rsatkichlardan oshmasligi kerak. Bundan tashqari, KXDR kondensat va gaz-kondensat suyuqliklarini sotib ololmaydi hamda to‘qimachilik mahsulotlarini sota olmaydi.

Xavfsizlik kengashidagilar Shimoliy Koreya bilan muzokaralarga tayyorligini ta’kidladi, ammo tomonlar muzokaralarni qayta boshlash uchun qo‘llashi mumkin bo‘lgan aniq choralarni aytmadi.

“Daryo” yangiliklarini Facebook’da kuzatib boring