Hillari Klintonning 2016-yilgi prezidentlik saylovlari haqidagi kitobi AQShda sotuvga chiqdi

AQShning sobiq Davlat kotibi Hillari Klintonning “Nima yuz berdi?” (What Happened) nomli kitobi Qo‘shma Shtatlarda sotuvga chiqdi. Bu haqda “TASS” xabar bermoqda.

Simon and Schuster nashriyoti tomonidan chop etilgan kitobda sobiq birinchi xonim saylovoldi kampaniyasi va prezidentlik saylovlarida mag‘lubiyatga uchrashi sabablari haqida hikoya qiladi.

“2016-yil 8-noyabrdan beri deyarli har kuni o‘zimga bir savolni beraman: nega yutqazdim? Ba’zida boshqa narsalarga diqqatni jamlash qiyin kechadi”, — deya yozadi Klinton.

Hillari o‘z xotiralarida respublikachi Donald Tramp bilan saylovoldi kurashi taassurotlari haqida o‘rtoqlashadi, o‘zi yo‘l qo‘ygan xatolarga to‘xtaladi.

“Daryo” yangiliklarini “Odnoklassniki”da kuzatib boring